चिनियाँ जन राजनैतिक परामर्शदात्री सम्मेलनको बाह्रौं समितिको पहिलो महाधिवेशन सम्बन्धि पत्रकार सम्मेलन मार्च दुई तारिख दिउँसो जन बृहत सभाभवनमा आयोजित भएको छ। सम्मेलनका प्रवक्ता ल्यु सिनह्वाले जानकारी दिएअनुसार, चिनियाँ जन राजनैतिक परामर्शदात्री सम्मेलनको बाह्रौं समितिको पहिलो महाधिवेशन तीन तारिख दिउँसो तीन बजेतिर जनबृहत सभाभवनमा शुरु हुने भएको छ र बाह्र तारिख विहान सम्पन्न हुने भएको छ।
नौ दिनसम्म चल्ने उक्त महाधिवेशनको मुख्य विषयसूची यस प्रकार छः एघारौं स्थायी समितिको 'चिनियाँ जन राजनैतिक परामर्शदात्री सम्मेलनको स्थायी समितिको कार्य प्रतिवेदन' , 'चिनियाँ जन राजनैतिक परामर्शदात्री सम्मेलनको स्थायी समितिको प्रस्ताव प्रस्तुती अवस्था सम्बन्धि प्रतिवेदन' प्रस्तुत गर्नु, चिनियाँ जन काँग्रेसको बाह्रौं स्थायी समितिको पहिलो महाधिवेशनमा भाग लिनु, सरकारी प्रतिवेदन, सर्वोच्च जन अदालतको कार्य-प्रतिवेदन तथा सर्वोच्च जन न्यायालयको कार्य-प्रतिवेदन तथा 'राज्य परिषदको संस्थागत सुधार तथा भूमिकाको परिवर्तन सम्बन्धि प्रस्ताव'को ब्याख्याको सुनुवाइ तथा छलफल, चिनियाँ जन राजनैतिक परामर्शदात्री सम्मेलनको बाह्रौं स्थायी समितिका अध्यक्ष, उपाध्यक्ष, महासचिव, स्थायी सदस्यको निर्वाचन, चिनियाँ जन राजनैतिक परामर्शदात्री सम्मेलनको बाह्रौं स्थायी समितिको पहिलो महाधिवेशनको राजनैतिक निर्णय प्रस्तावको अनुमोदन।
महाधिवेशनको समय-तालिका वमोजिम, चिनियाँ कम्युनिष्ट पार्टी तथा शीर्षस्थ नेतागणले चिनियाँ जन राजनैतिक परामर्शदात्री सम्मेलनको बाह्रौं समितिको पहिलो महाधिवेशनको उद्धाटन तथा समापन समारोहमा भाग लिनुहुनेछ। साथै उहाँहरुले सामूहिक छलफलमा प्रतिनिधिहरुसँग राष्ट्रिय मामिलाबारे छलफल गर्नुहुने कार्यक्रम छ।
