चीनका दुईवटा अधिवेशन शुरु हुनुअघि सानी हेवी उद्योग कम्पनी लिमिटेडले पेइचिङमा एक पत्रकार सम्मेलनको आयोजना गर्दै यस कम्पनीसित सम्बन्ध रहेको रालसले अमेरिकामा बाराक ओबामा र अमेरिकी विदेशी लगानी परिषदलाई उजुर गर्ने मुद्दामा पाइएको प्रारम्भिक उपलब्धि सार्वजनिक गरेको थियो। यस घटनाबाट"चिनियाँ व्यवसायले बाहिर जानुपर्छ"भन्ने विषयलाई फेरि एक पटक यस राष्ट्रिय जन काङ्ग्रेसको वार्षिक सम्मेलनको महत्वपूर्ण बिन्दु बनेको छ।
बाह्रौं राष्ट्रिय जन काङ्ग्रेसको पहिलो सम्मेलन शुरु भएको दिनमा चीनका वाणिज्य मन्त्री छन त मिङले रालस कम्पनीको उक्त मुद्दाबारेमा प्रतिक्रिया दिनुभएको छ। उहाँका अनुसार यस मुद्दासम्बन्धी छानबिन भइरहेको र नियमबमोजिम चिनियाँ व्यवसायलाई सेवा र संरक्षण प्रदान गर्नुपर्ने भएकोछ।
गतवर्षको सेप्टेम्बर महिनामा अमेरिकी राष्ट्रपति बाराक ओबामाले राष्ट्रिय सुरक्षालाई धम्की पुर्याउने भन्ने कथित निहुँ पारेर एउटा प्रशासनिक निर्णय सार्वजनिक गर्दै सानी हेवी उद्योग कम्पनी लिमिटेड र रालस कम्पनीद्बारा अमेरिकाको ओरिगन राज्यमा गरिरहेको वायु-विजुली परियोजना बन्द गर्ने निर्णय भएको भनी बताउनुभएको थियो। यस घटना चिनियाँ व्यवसायले विदेशमा राजनैतिक कारक तत्व आदि कारणले गर्दा घाटा भएको एक उदाहरण हो। केही वर्षयता चिनियाँ व्यवसायले बाहिर जाने प्रवृत्ति धुमधामसँग बढिरहेको देखिन्छ। विदेशमा लगानी लगाउने रकम बढ्दै जानुका साथै विदेशी लागनीसम्बन्धी सहयोगबाट ल्याइने त्रास पनि बढ्नेछ। यसबारे चर्चा गर्दै राष्ट्रिय जन काङ्ग्रेसका प्रतिनिधि एवम मिडिया कम्पनीका उपाध्यक्ष य्वान लि छुनले स्वदेशी तथा विदेशी आर्थिक परिस्थिति अस्थिर भएको कारण भविष्यमा चिनियाँ व्यवसायले बाहिर जाँदा अझ बढी त्रास रहन सक्छ भनी धारणा लिनुपर्ने बताउनुभएको छ।
