दक्षिण एशियासँग आर्थिक विकास गर्ने शक्ति बढेको तर जोखिम धेरै

         दक्षिण एशियाली देशहरूको आर्थिक विकास गर्ने शक्ति बढेको छ तर विकासका लागि धेरै जोखिम विद्यमान रहेको एक प्रतिवेदनले देखाएको छ।दक्षिण एशियाली आर्थिक फोकस रिपोर्टको पछिल्लो प्रतिवेदनअनुसार, दक्षिण एशियामा गरिबीको रेखामुनि परेकाहरूको सङ्ख्या अत्यधीक भएको र दरिलो लगानी वातावरण नभएको कारणले नै आर्थिक विकास राम्ररी हुन नसकेको हो।

         सन् 2012 मा निकालिएको आङ्कडामा दक्षिण एशियाका अफ्गानिस्तान, बंगलादेश, भुटान, भारत, माल्दिप्स, नेपाल, पाकिस्तान र श्रीलङ्काको संयुक्त आर्थिक वृद्धि 4.7 प्रतिशत रहेको थियो।

          समाचारमा जनाइएअनुसार, उल्लेखित देशहरूको अब चालुवर्षमा हुने आर्थिक वृद्धि भने 5.5 प्रतिशतसम्म पुग्ने प्रक्षेपण गरिएको छ।