आज आइतबार पनि नेपाली बजारमा सुनको भाउ तोलामा 5 सय रुपैयाँ बढेको छ । नेपाल सुनचाँदी व्यवसायी महासंघले आइतबारका लागि छापावाला सुनको मूल्य तोलाको 50 हजार 5 सय रुपैयाँ तोकेको छ । गत शुक्रबार छापावाला सुनको मूल्य तोलाको 50 हजार रुपैयाँ कायम थियो ।
आज वा आइतबार बजारमा तेजाबी सुन तोलाको 50 हजार 2 सय 50 रुपैयाँमा कारोबार भईरहेको छ । चाँदीको भाउमा भने कुनै परिवर्तन भएको छैन् । महासंघका अनुसार आइतबार बजारमा चाँदी तोलाको 8 सय 98 रुपैयाँमा कारोबार भईरहेको छ ।
अन्तर्राष्ट्रिय बजारमा सुनको भाउमा सुधार हुँदै गएपछि नेपाली बजारमा पनि सुनको भाउ बढ्दै गएको महासंघका महासचिव माणिक रत्न शाक्यले बताउनुभयो ।
