स छ्वानमा हिजो बिहान गएको भुकम्पबाट भएको क्षतिप्रति नेपालीहरूले दुख व्यक्त गरेका छन्।नेपालको क्यापिटल एफ एमका अध्यक्ष प्रकाशबाबु पौडेलले आफ्नो समवेदना सन्देशमा लेख्नुहुन्छ- "स छ्वान प्रान्तको लु शान जिल्लामा गएको सात रेक्टर स्केलको बिनाशकारी भयङ्कर भूकम्पमा परी एक सय साट्ठी जनाको मृत्युभएको खबरले म ज्यादै दुखी भएको छु ।आफना परिवार गुमाएका लु शान जिल्लाका जनताप्रति सहनुभूति ब्यक्त गर्दै क्यापिटल एफ एम को तर्फबाट हार्दिक समवेदना प्रकट गर्दछु । साथै यो आपतको सामना गर्न चीनको केन्द्रीय तथा स छुवान प्रान्तको जन सरकार सक्षम हुने विश्वास लिएको छु।
यसैगरेर नवज्योति सि. आर.आई. श्रोता क्लव झेनाम - 3, रोल्पा राप्तीका अध्यक्ष महेन्द्र रोकाले पनि आफ्नो समवेदना सन्देशमा लेख्नुभएको छ-"स छवान प्रान्तमा हालै गएको भूकम्पबाट भएको धनजनको क्षतिको दु:ख प्रकट गर्न चाहन्छु । साथै पीडित तथा घाईतेहरुलाई धैर्य धारण गर्ने शक्ति मिलोस् अनि प्रभावित क्षेत्रमा छिटो छरितो सफलतापूर्वक उद्दार गर्न सम्पूर्ण चिनियाँहरुलाई अदम्य साहस मिलोस् मेरो कामना!"
