सिन ह्वा समाचार समितिका अनुसार, हिजो बाह्र तारिख चीनका प्रधानमन्त्री ली ख छ्याङ र थाइल्याण्डका प्रधानमन्त्री यिङ्गलुक शिनावाट्रा चीनको हाइ स्पीड रेल प्रदर्शनीको उद्घाटन समारोहमा उपस्थित हुनुभएको छ।
चीनको हाइ स्पीड रेल प्रविधिलाई बैङ्ककदेखि छ सय अठहत्तर किलोमिटर टाढाको च्याङ्गमाइसम्म पुग्न पहिलाको एघार घण्टाको समयमा अब तीन घण्टासम्म घट्नेछ। चीनको यो प्रविधिमाथि थाई प्रधानमन्त्री यिङ्गलुकले धेरै रुचि राख्नुभएको छ।
प्रधानमन्त्री ली ख छ्याङले चीनको हाइ स्पीड प्रविधि विकसित र सुरक्षित भएकाले लागतको प्रतिश्पर्धात्मक उच्चता पनि रहेको व्यक्त गर्नुभयो। साथै उहाँले चीन-थाइल्याण्ड रेलसम्बन्धी सहयोगलाई बढाएर थाइल्याण्डको आवश्यक प्रबन्धको निर्माण र आर्थिक तथा सामाजिक विकासलाई बढाउन सकिने बताउनुभयो। उहाँले आपसी हित र क्षेत्रीय अन्तःसम्बन्धको विकासलाई योगदान दिनसकिने कुरामा जोड दिनुभयो।
प्रत्युत्तरमा प्रधानमन्त्री यिङ्गलुकले थाइल्याण्ड हाइ स्पीड रेलको योजना र अन्तःसम्बन्धमा त्यसको स्थानबारे जानकारी दिनुभयो। उहाँले हाइ स्पीड रेलबाट चीनले हासिल गरेको उपलब्धिमा प्रशंसा गर्नुका साथै थाइल्याण्डको हाइ स्पीड रेलको निर्माणमा भाग लिन चीनलाई स्वागत गरेको बताउनुभयो।