एकीकृत नेकपा माओवादीको केन्द्रीय समितिको बैठक सोमबारबाट पेरिसडाडँमा शुरु भएको छ । बैठकले दोस्रो संविधानसभाको चुनावबारे समीक्षा गर्दै आगामी कार्यनीति तय गर्ने बताइएको छ ।
बैठकमा एमाओवादी अध्यक्ष प्रचण्डले संक्षिप्त राजनीतिक प्रतिवेदन पेश गुर्नहुने र केन्द्रीय सदस्यहरुले देशैभरिको चुनावी स्थितिको रिपोटिङ गर्ने बताइएको छ । एमाओवादी बैठकमा चुनावमा भएका धाँधलीका प्रमाणको संकलन गर्ने र त्यसका लागि 1सय 40निर्वाचन क्षेत्रमा अभियान सञ्चालन गर्नेबारे छलफल हुने स्रोतले बताएको छ । आइतबार सम्पन्न पूर्वपोलिटब्यूरो तथा राज्य समिति इञ्चार्जहरुको बैठकले धाँधलीको विरोधमा देशव्यापी अभियान चलाउने निर्णय गरेको छ ।
केन्द्रीय समितिको बैठक चलिरहेका बेला सोमबार बेलुका पेरिसडाडाँमै संघीय समाजवादी र मधेसी जनअधिकार फोरम लगायतका पहिचान पक्षधर दलहरुसँग एमाओवादीले वार्ता गर्ने भएको छ ।
