चीनको परराष्ट्र मन्त्रालयका प्रवक्ता हुङ लैले डिसेम्बर एघार तारिख चीनले अफगानिस्तान र पाकिस्तानबीचको त्रिपक्षीय वार्तामा महत्व दिएको बताउनुभएको छ। साथै उहाँले चीन, अफगानिस्तान र पाकिस्तानको नयाँ चरणको वार्ता आगामी वर्ष चीनमा आयोजना हुने जानकारी पनि दिनुभएको छ। चीनले अफगानिस्तान र पाकिस्तानसँग तीन पक्षीय वार्तामा प्रगति हासिल गर्ने दिशामा अगाडि बढ्ने मनसाय लिएको कुरा पनि उहाँले व्यक्त गर्नुभएको छ।
हुङकाअनुसार, डिसेम्बर नौ तारिखदेखि दश तारिखसम्म तेस्रो चीन-अफगानिस्तान-पाकिस्तान त्रिपक्षीय वार्ता काबुलमा आयोजना भएको छ। वार्तामा तीनै पक्षले अफगानिस्तानको परिस्थिति, तीन पक्षको व्यवहारिक सहयोगबारे वैचारिक आदान-प्रदान गरेका छन्। तीन पक्षले अफगानिस्तान तथा क्षेत्रीय सुरक्षाको संरक्षण गर्ने सवालमा सहयोग गर्न, आतंकवादको विरुद्धको लडाइँ जस्ता क्षेत्रहरुमा सहयोग आदान प्रदान गर्न स्वीकार गरेका छन्।