भारतका लागि चिनियाँ राजदूत वै वैले जनवरी छ तारिखका दिन भारतको "द हिन्दु"मा "चीन भारतबीच खुला सम्बन्धका नयाँ अध्याय "शीर्षकको लेख प्रकाशित गर्नुभएको छ। वै वैले सो लेखमा सन् 2013 मा चीन र भारतबीचको सम्बन्धको विकासबारे निचोड निकाल्नुका साथै सन् 2014 मा चीन भारतसम्बन्धको अझै विकास हुने कुरा व्यक्त गर्नुभएको छ।
उक्त लेखमा वैले सन् 2013मा चीन र भारतको रणनैतिक, सहयोगात्मक र साझेदारी सम्बन्धमा व्यापक विकास आएको, दुई मुलुकको उच्च स्तरीय घनिष्ठ आवत-जावत भएको, रणनैतिक पारस्परिक विश्वास निरन्तर रुपमा वलियो भएको र साँस्कृतिक आदान-प्रदान पनि क्रमशःविस्तार हुँदै गएको कुरा बताउनुभयो।
भविश्यमा चीन र भारतको सम्बन्धबारे चर्चा गर्दा वैले लेखमा सन् 2014मा "चीन-भारत मैत्रीपूर्ण आदान-प्रदान वर्ष" भएको उल्लेख गर्दै शान्तिपूर्ण सहअस्तित्वका पाँच सिद्धान्त प्रकाशित भएको साठीऔं वार्षिकोत्सवको अवसरमा दुई मुलुकको सम्बन्धको वृहत् विकास हुने संभाव्यता पनि औंल्याउनुभएको छ।
