फन्ट डाउनलोड
सि.आर.आइको संक्षिप्त परिचयनेपाली सेवाको संक्षिप्त परिचयसम्पर्कका लागि

सातौं पाठ

(GMT+08:00) 2009-11-17 15:08:19

वर्षाः नमस्कार, श्रोताहरु। "दैनिक जीवनको चिनियाँ भाषामा!" तपाईंहरु सबैलाई स्वागत। म यस कार्यक्रम सञ्चालिका वर्षा।

कमलः सबैलाई नमस्कार। म कमल लम्साल।

वर्षाः अघिल्लो पाठमा हामीले भेट-घाटसम्बन्धी छोटो वाक्य सिकेका थियौं। आज हामी टेलिफोन गर्दा उपयोगमा आउने केही कुराहरु सिक्दैछौं। त्यसअघि हामी गत पाठमा सिकेका विषयहरु दोहर्‍याएर सिकौं।

कमलः "हलो, तपाईं को बोल्नुभएको?" भनेर चिनियाँ भाषामा "वै, छिंग वन् श् नै वै?" भन्नुपर्छ।

वर्षाः ठीक छ। "वै" भन्ने शब्द नमस्कार भन्ने अर्थमा उपयोगमा आउने शब्द हो। टेलिफोन गर्दा यो शब्द, वास्तवमा, "हेलो" को अर्थमा उपयोग गरिन्छ।

कमलः "छिंग वन्" को अर्थ "कृपया, भन्नुहोस" हो।

वर्षाः ठीक भन्नुभयो। "श्" को अर्थ "हो" हो।

कमलः श्

वर्षाः "नै वै" भनेको "को हँ, को बोल्नुभएको" हो।

कमलः नै वै

वर्षाः "हलो, तपाईं को बोल्दुभएको?" वै, छिंग वन् श् नै वै?

कमलः वै, छिंग वन् श् नै वै?

वर्षाः त्यसैगरी चिनियाँ भाषामा "हामी कहिले र कहाँ भेट्ने?" लाई "वो मन ची तेन् चेन् मेन्? चाई ना अर चेन् मेन्?" भन्नुपर्छ।

कमलः वो मन ची तेन् चेन् मेन्? चाई ना अर चेन् मेन्?

वर्षाः "वो मन्" को अर्थ "हामी" हो।

कमलः वो मन

वर्षाः "ची तेन्" को अर्थ "कति बजे वा कहिले" हो।

कमलः ची तेन्

वर्षाः "चेन् मेन्" को अर्थ "भेट" हो।

कमलः चेन् मेन्

वर्षाः वो मन् ची तेन् चेन् मेन्?

कमलः वो मन् ची तेन् चेन् मेन्?

वर्षाः चिनियाँ भाषामा "कहिले भेट्ने?" भन्नुपर्दा "चाई ना अर चेन् मेन्?" भन्नुपर्छ।

कमलः चाई ना अर चेन् मेन्?

वर्षाः "चाई ना अर" को अर्थ "कहाँ" हो।

कमलः चाई ना अर

वर्षाः यदि तपाईं साथीसङ्ग "तपाईंलाई कहिले फुर्सद छ?" भनेर सोध्नचाहनुहुन्छ भने यस वाक्यलाई चिनियाँ भाषामा " नी शन् मो श् हौ यौ खोंग?" भन्नुपर्छ।

कमलः नी शन् मो श् हौ यौ खोंग?

वर्षाः "शन् पो श् हौ" भनेको नेपाली भाषामा "कहिले वा कुन समय" हो।

कमलः शन् पो श् हौ

वर्षाः "यौ खोंग" भनेको "फुर्सद छ" हो।

कमलः यौ खोंग

वर्षाः "तपाईंलाई कहिले फुर्सद छ?"

"नी शन् मो श् हौ यौ खोंग?"

कमलः ल ठीक छ, अब हामी अघिल्लो पाठमा सिकेका कुराकानीको पूर्ण बेहोरा सुनौं।

कुराकानी एक

महिलाः वै, छिंग वन् श् नै वै?

पुरुषः वै, वो श् वाँग लोंग।

कुराकानी दुइ

पुरुषः नी शन् मो श् हौ यौ खोंग?

महिलाः ट्रौ मो।

पुरुषः वो मन यी छी ठ् फान् हाउ मा?

महिलाः ख यी।

कुराकानी तीन

महिलाः वो मन् ची तेन् चेन् मेन्? चाई ना अर चेन् मेन्?

पुरुषः वान् शाँग पा तेन्। चाई पै चिंग फान् तेन्।

वर्षाः आज सिकेका विषयहरुको पुनरावलोकन यत्ति नै। अब हामी आज सिकेका मुख्य-मुख्य विषयहरु दोर्‍याएर सिकौं।

वै, लिउ चिंग ली चाई च्या मा?

था शन मो श् हौ ह्वै लाई?

छिंग था कै वो ह्वै क तेन ह्वा।

कमलः वर्षाजी, यदि म मेनेजर लिउको घरमा फोन गरेर उहाँसँग कुरा गर्न चाहन्छु भने चिनियाँ भाषामा कसरी भन्नुपर्छ?

वर्षाः तपाईंले यसरी भन्नुपर्छ- वै, लिउ चिंग ली चाई च्या मा?

कमलः वै, लिउ चिंग ली चाई च्या मा?

वर्षाः शाब्दिक अर्थमा हेर्दा त्यसको अर्थ 'हेलो, मेनेजर लिउ हुनुहुन्छ? भन्ने हुन्छ।

कमलः "वै" को अर्थ "हेलो" हुनुपर्छ। त्यसैले मेरो विचारमा " लिउ चिंग ली" को अर्थ " मेनेजर लिउ" हुनुपर्‍यो।

वर्षाः ठीक हो। "लिउ" चिनियाँहरुको थर हो। "चिंग ली" को अर्थ चिनियाँ भाषामा "मेनेजर" हो। यी दुइवटा शब्दलाई जोडेर सँगै पढ्दा "लिउ चिंग ली" को अर्थ चिनियाँ भाषामा "मेनेजर लिउ" हो।

कमलः लिउ चिंग ली

वर्षाः "चाई" भन्ने शब्द सम्बन्धवाचक शब्द हो। त्यसको अर्थ नेपाली भाषामा "मा" भन्ने हो।

कमलः चाई

वर्षाः "घर" लाई चिनियाँ भाषामा "च्या" भनिन्छ।

कमलः च्या

वर्षाः यस वाक्यमा "मा" को अर्थ प्रश्नवाचक शब्द हो।

कमलः मा

वर्षाः हेलो, मेनेजर लिउ घरमा हुनुहुन्छ?

वै, लिउ चिंग ली चाई च्या मा?

कमलः वै, लिउ चिंग ली चाई च्या मा?

वर्षाः हामी पहिलो कुराकानी सुनौं।

वार्तालाप एक

महिलाः वै, लिउ चिंग ली चाई च्या मा?

पुरुषः था पु चाई च्या।

वर्षाः उत्तर नकारात्मक छ। यसको अर्थ मेनेजर लिउ घरमा हुनुहुन्न भन्ने हो। यदि तपाईं "उहाँ कहिले फर्कनुहुन्छ?" भनेर सोध्न चाहनुहुन्छ भने चिनियाँ भाषामा यसरी भन्नुपर्छ-

था शन् मो श् हौ ह्वै लाई?

कमलः था शन् मो श् हौ ह्वै लाई?

वर्षाः "था"को अर्थ "उहाँ" हो।

कमलः था

वर्षाः "शन् मो श् हौ" भन्ने शब्द यसभन्दा अघि हामीले सिकिसकेका छौं। त्यसको अर्थ " कहिले, कुन समय वा कुन वेला" भन्ने हो।

कमलः हो। "शन् मो" को अर्थ " के वा कुन" हो र " श् हौ" को अर्थ " समय वा बेला" हो।

वर्षाः " ह्वै लाई" को अर्थ "फर्कनु" हो।

कमलः ह्वै लाई

वर्षाः " उहाँ कहिले फर्कनुहुन्छ?"

था शन् मो श् हौ ह्वै लाई?

कमलः था शन् मो श् हौ ह्वै लाई?

वर्षाः ल ठीक छ। अब हामी दोश्रो कुराकानी सुनौं।

वार्तालाप दुइ

महिलाः था शन् मो श् हौ ह्वै लाई?

पुरुषः वो ये पु ट् ताउ।

कमलः ए, मैले बुझें। मेनेजर लिउ कहिले फर्कने भन्ने कुरा उहाँलाई पनि थाहा रहेन छ।

वर्षाः ठीक भन्नुभयो।

कमलः त्यसो भए "कृपया, उहाँलाई मलाई फोन गर्न भनिदिनुहोस्" भन्ने वाक्यलाई चिनियाँ भाषामा कसरी भन्नुपर्छ?

वर्षाः तपाईंले यसरी भन्नुपर्छः 'छिंग था कै वी ह्वै क तेन् ह्वा।'

कमलः ओ, यो वाक्य अति लामो रहेछ। त्यसलाई टुक्र्याएर व्याख्या गर्न सक्नुहुन्छ?

वर्षाः कुनै समस्या छैन। "छिंग" को अर्थ "कृपया" हो।

कमलः छिंग

वर्षाः यस वाक्यमा "था"को अर्थ "उहाँ" हो।

कमलः था

वर्षाः "कै"को अर्थ "दिनु" हो।

कमलः कै

वर्षाः " वो" को अर्थ "म" हो।

कमलः म

वर्षाः "ह्वै क तेन् ह्वा" को अर्थ "फोन गर्नु" हो।

कमलः ह्वै क तेन् ह्वा

वर्षाः " ह्वै" को अर्थ "फर्काउनु" हो।

कमलः ह्वै

वर्षाः यस वाक्यमा "क" भन्ने शब्द टेलिफोन गर्दा भनिने मापक शब्द हो।

कमलः क

वर्षाः "तेन् ह्वा" को अर्थ "टेलिफोन" हो।

कमलः तेन् ह्वा

वर्षाः "ह्वै क तेन् ह्वा" को अर्थ "एउटा फोन गर्नु" हो।

कमलः "ह्वै क तेन् ह्वा" को अर्थ कुनै व्यक्तिलाई प्रत्युत्तरमा फोन गर्नु हो।

वर्षाः यसलाई फेरि एक पटक दोहर्‍याऔं- ह्वै क तेन् ह्वा, प्रत्युत्तरमा फोन गर्नु।

कमलः ह्वै क तेन् ह्वा

वर्षाः अब हामी पूरा वाक्यतिर लागौं- "कृपया, उहाँलाई मलाई फोन गर्न भनिदिनुहोस" भनेर चिनियाँ भाषामा भन्नुपर्दा यसरी भन्नुपर्छ-

छिंग था कै वी ह्वै क तेन् ह्वा।

कमलः छिंग था कै वी ह्वै क तेन् ह्वा।

वर्षाः अब तेश्रो कुराकानी सुनौं-

वार्तालाप तीन

महिलाः छिंग था कै वी ह्वै क तेन् ह्वा।

पुरुषः हवस।

महिलाः मेरो टेलिफोन नम्बर 87654321 हो।

पुरुषः हस, म अवश्य उहाँलाई भन्छु।

वर्षाः यो तेश्रो कुराकानी हो। अरु बेला झैं हामी कुराकानीको पूर्ण विवरण सुन्नुअघि सबैभन्दा पहिले आज सिकेका वाक्यहरु दोहर्‍याएर सिकौं। म नेपालीमा भन्छु। तपाईंले चिनियाँ भाषामा भन्ने अभ्यास गर्नुहोस्। हुन्छ?

कमलः हस्।

वर्षाः पहिलो वाक्य-"हेलो, मेनेजर लिउ घरमा हुनुहुन्छ?"

कमलः वै, लिउ चिंग ली चाई च्या मा?

वर्षाः श्याबास। दोश्रो वाक्य-यदि उहाँ घरमा हुनुहुन्न भने तपाईंलाई थाहा छ "उहाँ कहिले फर्कनुहुन्छ?"लाई चिनियाँ भाषामा कसरी भन्नुपर्छ?

कमलः था शन् मो श् हौ ह्वै लाई?

वर्षाः त्यसो भए "उहाँलाई फोन गर्न भनिदिनु" भन्ने वाक्यलाई चिनियाँ भाषामा कसरी भन्नुपर्छ त?

कमलः छिंग था कै वी ह्वै क तेन् ह्वा।

वर्षाः एकदमै राम्रो छ। म ज्यादै जिम्मेवारीपूर्वक के भन्नचाहन्छु भने तपाईंले अभ्यास गर्नुभएको एकदमै राम्रो छ। अब तलको कुराकानीको पूर्ण विवरण सुनौं-

वार्तालाप एक

महिलाः वै, लिउ चिंग ली चाई च्या मा?

पुरुषः श्, था पु चाई च्या।

महिलाः था शन् मो श् हौ ह्वै लाई?

पुरुषः वो ये पु ट् ताउ।

वार्तालाप दुइ

महिलाः छिंग था कै वो ह्वै क तेन् ह्वा।

पुरुषः हस्

महिलाः महिलाः मेरो टेलिफोन नम्बर 87654321 हो।

पुरुषः हस, म अवश्य उहाँलाई भन्छु।

वर्षाः अब हामी सँगसँगै "चिनियाँ संस्कृतिका एक झलक" सुनौं।

चिनियाँ संस्कृतिका एक झलक

सामान्यतया चिनियाँहरुलाई जोडी संख्या मन पर्छ, जसलाई लच्छिनको कुरा ठानिएको छ। साथै "आठ" भन्ने यो जोडी संख्या "पा"को उच्चारण चिनियाँ भाषामा "धनी बन्नु" भन्ने शब्द "फा" को उच्चारणसित मिल्दो-जुल्दो भएका कारण यस संख्याले मानिसहरुका लागि लच्छिनको छ भन्ने विश्वास गरिन्छ। त्यसैले धेरै चिनियाँहरु टेलिफोन नम्बर वा अरु नम्बर छान्दा "आठ अथवा चिनियाँ भाषामा पा" भन्ने संख्या पाएको भए कति बेस हुने थियो भन्ने विचार गर्दछन। त्यस्तै संख्या "छ अथवा चिनियाँ भाषामा लिउ" लाई छान्ने मानिसहरुको ताँती नै लाग्छ। चिनियाँहरु सधैं भन्ने गर्छन्- "लिउ लिउ ता शुन"। त्यसको अर्थ हो- "छ" को संख्याले मानिसलाई सौभाग्य ल्याउनसक्छ। धेरैजसो चिनियाँहरु आफ्नो विवाहको दिन "छ" अथवा चिनियाँ भाषामा लिउ" को अङ्क परेको दिन गर्न रुचाउँछन। त्यसको तुलनामा "चार" अथवा चिनियाँ भाषा "स्" जसको उच्चारण "मर्नु अथवा चिनियाँ भाषामा स्"को उच्चारणसङ्ग मिल्दो-जुल्दो भएको हुनाले यस संख्यालाई मानिसहरु छी छी गर्छन।

वर्षाः हवस त। आज हामीले सिक्नुपर्ने विषयहरु यत्ति नै। अरु बेला झैं आज पनि म तपाईंहरुका लागि एउटा प्रश्न छोडेर विदा माग्नचाहन्छु।

कमलः प्रश्न छः "कृपया, उहाँलाई मलाई फोन गर्न भनिदिनुहोस्" भनेर चिनियाँ भाषामा कसरी भन्नुपर्छ?

वर्षाः यदि तपाईंलाई यस प्रश्नको उत्तर थाहा छ भने, तपाईं त्यो उत्तर हाम्रो ठेगाना Nepali service, CRI-6,China Radio International,P.O. Box 4216, Beijing, P.R. China वा सी.आर.आई. पोष्ट बक्स नँ-405 मा पठाउनसक्नुहुन्छ।

कमलः हामीलाई फेरि सुन्नका लागि https://nepal.cri.cn लग गर्नुहोला।

आजलाई नमस्कार - चाइ च्यान।

वर्षाः फेरि भेटौंला। आफ्नो स्वास्थ्यको ख्याल गर्नुहोस है।

जानकारी तथा लेखहरु
सुझाउ
Webradio
सम्वाद संग्रह