शनिश्चरे 3, मोरङमा पर्ने सगरमाथा सी.आर.आई श्रोता क्लवका अध्यक्ष दीपक भट्टराईले नेपाली सेवालाई पठाउनुभएको पत्रमा भन्नुभएको छ- चिनियाँहरुको सन् 2010 को बसन्त चाडको पुनित अवसरमा म सम्पूर्ण चिनियाँ जनता, सी.आर.आई.का मित्र एवं नेपाली श्रोता तथा नेपाली जनतामा मेरो तर्फबाट हृदयदेखि नै हार्दिक मंगलमय शुभ कामना व्यक्त गर्दै नयाँ वर्षले सुख ，शान्ति र समृद्धिका साथै प्रगति पथमा अगाडी बढिरहन प्रेरित गरिरहोस र आगामी दिनमा हामी बीचको अन्योन्यास्त्रित सम्बन्ध सगरमाथाको शिखर झैं उच्च रहोस भन्दै यस नव वर्षमा सी.आर.आई. नेपाली सेवाले लाखौ नेपाली श्रोताको मायाँ पाएर अझैं उच्च स्तरिय र राम्रा राम्रा कार्यक्रम श्रोतासामु पस्कन सफल होस। सी.आर.आई नेपाली विभाग विश्व शान्ति र भातृत्वको उदारण बन्न सकोस्। चीन र नेपाल बीचको ऐतिहासिक सम्बन्ध जनस्तरदेखि नै सुमधुर र प्रगाढ बनाउन नेपाली विभाग सधैं अग्रसर भइरहोस भन्दै हामी बीचको सम्बन्ध अझ नजिक र घनिष्ट बनोस र 2010 चिनियाँ जनताको बसन्त चाडको अवसरमा सुस्वास्थ्य एवं प्रगति पथको हार्दिक मंगलमय शुभ कामना व्यक्त गर्छु। सम्पूर्ण नेपाली सी.आर.आई.का श्रोताको तर्फबाट फेरि पनि शुभ कामना।
