न्यूयोर्कस्थित चीनका उप महा वाणिज्य दूत खुवांग वै लिनले तीन तारिख दिउंसो न्यूयोर्कमा तिब्बतमा घटेको उपद्रवका सम्बन्धमा चिनियाँ र विदेशी पत्रकार सम्मेलनको आयोजना गर्नुका साथै त्यहां उपस्थित बीस जना चिनियाँ र विदेशी पत्रकारहरुका सामु तिब्बतमा कुटपीट , भताभंग , लुटपाट र आग्जनीको हिंसात्मक घटना तथा न्यूयोर्कस्थित चीनको महा वाणिज्य दूतावासलाई आक्रमण गरिएको भिडियो क्यासेट देखाउनुभयो ।
श्री खुआंग वै लिनले भन्नुभयोः हाल तिब्बतको हिंसात्मक काण्डमा अमेरिकाका केही संचार माध्यमले वास्तविकता विपरित , गलत दिशामा निर्दिष्ट गर्ने अझ तथ्यलाई विकृत गर्ने समाचारहरु जनाएका छन्। उहाँले भन्नुभयोः यस हिंसात्मक काण्ड दलाई गुटले रचेको हो । त्यो एक संगठनात्मक , योजनाबद्ध कार्वाही हो । यो किमार्थ शान्तिपूर्ण कार्वाही होइन । कुनै मुलुकको सरकारले यस किसिमको काण्ड उत्पन्न भएको हेर्न सक्दैन । चीन सरकारले पूरा काण्डका क्रममा संयमको धारणा लिंदै सशस्त्र शक्तिव्दारा दमन गरेको छैन ।
|