गत मार्च चौध तारिखका दिन तिब्बत स्वायत्त प्रदेशको सदरमुकाम ल्हासामा भएको कुटपिट, लुटपाट र आगजनी जस्ता हिंसात्मक घटनाबाट नोक्सानी पुर्‍याइएका रेस्ट्रुरां, व्यवसाय तथा निजी वाणिज्य संस्थाका व्यवसायीको जीवनमा देखा परेको आधारभूत समस्याको समाधान गर्ने उद्देश्यले तिब्बतका सम्बन्धित विभागले मार्च महिनादेखि ती व्यवसायीलाई सामाजिक सहायता उपलव्ध गराएको छ।

          तिब्बत स्वायत्त प्रदेशको नागरिक विभागबाट प्राप्त जानकारी अनुसार ती व्यवसायीलाई उपलब्ध गराइएको सामाजिक सहायतामा जीवन वृत्तिको सहायता तथा चिकित्सा सहायता समावेश छन।

          गत मार्च चौध तारिखका दिन केही अवैधानिक तत्वले ल्हासामा कुटपिट, लुटपाट र आगजनी जस्ता भिषण हिंसात्मक घटना रचेका थिए। यसबाट अठार जना निर्दोष सर्वसाधारणको ज्यान जानुका साथै तीन सय बयासी जना घाइते भएका छन। यसका अतिरिक्त केही पसल र आवास पनि ध्वस्त पारिएको छ। यसबाट पुर्‍याइएको प्रत्यक्ष आर्थिक नोक्सानीको संख्या झण्डै पच्चीस करोड चिनियाँ युआन पुगेको छ।