चिनियाँ बौद्ध धर्म संघले आज "क्वाँग मिंग दैनिक"मा " गौतम बुद्धको चेलाले परोपकारी काम गर्नुपर्ने" शीर्षकमा एक लेख प्रकाशित गर्दै हालै तिब्बतको ल्हासालगायतका ठाउँहरुमा मच्चाइएका आश्चर्यजनक कूटपीट, लूटपाट, तोडफोड र आगजनी जस्ता हिंसात्मक अपराधी काण्डको निन्दा र भर्त्सना गरेको छ।

         सो लेखमा भनिएको छ- उक्त हिंसात्मक अपराधी घटनाको उद्देश्य प्रष्टतः खैलावैला मच्चाउनु र ओलिम्पिक खेलकूदलाई बिथोलिदिनु हो। औंलामा गन्न सकिने थोरै संख्याका ऐन विपरितका भिक्षुहरुले पनि उक्त अपराधमा हात हालेको कुराले राष्ट्रिय ऐनलाई उल्लंघन गर्नुका साथै‍ बौद्ध धर्मको नियम विपरित काम गरेको छ। तिनीहरुले गहन रुपमा आत्म आलोचना गर्नुपर्छ र क्षमा माग्नुपर्छ। चिनियाँ बौद्ध धर्म संघले उक्त गम्भीर हिंसात्मक आपराधीक घटनामाथि कारवाई गर्न चीन सरकारले चाल्ने गरेका आवश्यक पाइलाहरुको दृढताका साथ समर्थन दिन्छ।

          यसका साथै चिनियाँ बौद्ध संघले चौध्रौं दलाई लामालाई मातृभूमिलाई टुक्याउन खोज्ने अपराधी कर्तुत नगर्न र हिंसात्मक घटनामा हात हालेका वा टेवा पुर्‍याएका भिक्षुहरुलाई आफ्नो गल्तीको मनन गरी राम्ररी साधना गर्न आव्हान गरेको छ।