चीनको ल्हासा शहरको लिन चौ जिल्लामा रहेको एउटा परिवारमा एक सय सत्र वर्षको उमेरकी बूढीआमा आर्मे छ रन बसोबास गर्दछिन। उहाँ तिब्बतमा रहेकी सबैभन्दा बढी उमेरकी वृद्धा हुनुहुन्छ। उहाँ आफ्नो आँगनमा बसेर आनन्दसँग पठार भूमिको न्यानो घामको ताप लिनुहुन्छ।

         उहाँको घर लगभग चार सय वर्गमिटर क्षेत्रफल रहेको दुइ तले भवन छ जुन गत वर्ष स्थानीय सरकार तथा व्यवसायको लगानीद्बारा बनाइएको हो।

          प्राप्त जानकारी अनुसार, सन् 2006देखि यता तिब्बत स्वायत्त प्रदेशमा सक्रियताका साथ "सुखमय आबास"भन्ने परियोजना लागू गर्दैआएको छ। हालसम्म तीन लाखभन्दा बढी तिब्बती किसानहरु नयाँ घरमा सरेका छन्।

          आधा शताव्दीदेखि यता चीनले जोडतोडसँग तिब्बतको चिकित्सा र स्वास्थ्य कार्यलाई विकसित पार्दैआएको छ। हाल तिब्बती जनताको जनसंख्या पहिलेको बाह्र लाखबाट अहिलेको पच्चीस लाखसम्म वृद्धि भएको छ भने मानिसहरुको औसत आयु पनि गत शताव्दीको पचासको दशकमा रहेको पैंतीसबाट अहिलेको सतसट्ठीसम्म बढेको देखिन्छ।

           हाल तिब्बतमा विभिन्न प्रकारका धार्मिक गतिबिधि चलाइने ठाउँको संख्या एक हजार सात सयभन्दा बढी पुगेको छ।