चीनको परराष्ट्र मन्त्रालयका प्रवक्ता च्याङ्ग युले आज पैचिङ्गमा आयोजित पत्रकार सम्मेलनमा बोल्दै जापान सरकारको निमन्त्रणामा चीनका राष्ट्राध्यक्ष हु चिन थाउले आगामी मे छदेखि दश तारिखसम्म जापानको राजकीय भ्रमण गर्नुहुने जानकारी दिनुभयो।
प्रवक्ता च्याङ्ग युका अनुसार, भ्रमण अवधिमा श्री हु चिन थाउले जापानका सम्राट आकिहितोसँग भेटघाट गर्नुका साथै जापानी प्रधानमन्त्री यासुओ फुकुदासँग वार्ता गर्नुहुने कार्यक्रम छ। यसका अतिरिक्त, उहाँले जापानी कांग्रेस, राजनैतिक पार्टीका नेताहरु तथा विभिन्न क्षेत्रका व्यक्तिहरुसित ब्यापकरुपमा सम्पर्क गर्नुका साथै चीन तथा जापानबीचको सम्बन्धलाई कसरी अघि बढाउने भन्ने विषयबारे विचार-विमर्श गर्नुहुनेछ।
चीन तथा जापानबीचको सम्बन्धको सुधार तथा विकास दुबै देशका जनताको मूलभूत हितअनुकुल हुनुका साथै एशिया क्षेत्रको शान्ति, स्थिरता तथा विकासका लागि पनि हितकर हुने कुरा पनि प्रवक्ता च्याङ्ग युले बताउनुभयो।
|