क्यानाडेली विश्वव्यापी अध्ययन केन्द्रका प्रमुख एवम् ब्रिटानिका विश्वकोषका लेखक भिचेल कोसुदोभस्कीले एक लेख छाप्दै तिब्बतमा मच्चिएको "हिंसात्मक हूलदंगा" मगज खियाएर रचेको घटना हो र पश्चिमी मुलुकका नेताले चीनमाथि दोषारोपण गर्नुका कारण संचार माध्यमले तुरुन्तै अफवाह फिंजाउने आन्दोलन छिटै शुरु भएको हो भन्नुभएको छ।

      अमेरिकाका अन्तरराष्ट्रिय राजनीतिक अर्थशास्त्री एफ विलियम एन्गदाहलले आफ्नो लेखमा तिब्बतमा मच्चाइएको हूलदँगा विगत केही वर्षभित्र अमेरिका सरकारले चीनको राष्ट्रिय स्थिरतालाई खल्बल्याउनका लागि चलाएको गतिविधिको अर्को माथिल्लो खुडकिलो हो भन्नुभएको छ।

      जर्मन राष्ट्रिय प्रतिरक्षा सेनाका लेफ्टिनेन्ट जनरल रोजेले "हाम्रो युग" पत्रिकामा प्रकाशित एक लेखमा तिब्बत समस्यामा पश्चिमी जगतले हात हालेको कुरा एउटा ठूलो षडयन्त्र हो भन्नुभएको छ।

      त्यसैगरी, अमेरिकाको दक्षिणी क्यालिफोनिया विश्वविद्यालयका विद्बान सोरायाले आफ्नो लेखमा तिब्बतमाथि नियन्त्रण गरेमा चीनको उदयलाई रोक्नसकिने पश्चिमी मुलुकहरुको विचार रहेको कुरा उल्लेख गर्नुभएको छ।

      इटालीका प्रख्यात इतिहासकार दोमिनिको लोसुर्दोले हालै नेटवर्कमा एक लेख प्रकाशित गर्दै पश्चिमी मुलुकहरुले चीनलाई बदनाम गरेको कुनियत धेरै शताव्दीदेखि यता उत्पन्न भएको बहुपक्षीय संस्कृतियुक्त चीनलाई टुक्य्राउने दुष्प्रयास हो भन्नुभएको छ।