चीनका राष्ट्राध्यक्ष हु चिन थाउ जापान सरकारको निमन्त्रणामा जापानको पाँच दिने राजकीय भ्रमणका लागि आज विहान पेइचिँगबाट विशेष विमानद्वारा टोकियोतर्फ प्रस्थान गर्नुभयो।

         चीनका राष्ट्रनायकले बितेका दश वर्षमा जापानको भ्रमण गर्नुभएको यो पहिलो पटक हो। श्री हु चिन थाउले राष्ट्राध्यक्षको पद पुनः सम्हाल्नुभएपछि विदेशको भ्रमण गर्नुभएको यो पहिलो पटक हो। राष्ट्राध्यक्ष हु चिन थाउले हालै पैचिङमा पैचिङस्थित जापानका सञ्चार माध्यमका पत्रकारहरुलाई संयुक्त अन्तर्वार्ता दिंदै आफ्नो जापानको भ्रमण 'न्यानो वसन्तको यात्रा' हुने कुरा वताउनुभएको छ।

         भ्रमणका अवसरमा श्री हु चिन थाउले जापानका सम्राट आकिहिटो र जापानका प्रधानमन्त्री फुकुदा यासुओसँग भेट-वार्ता गर्नुका साथै जापानी संसद र राजनीतिक दलका नेता तथा जापानका विभिन्न क्षेत्रका व्यक्तिसँग व्यापक सम्पर्क गर्नुहुने कार्यक्रम छ।