चीनका राष्ट्राध्यक्ष हु चिन थाउ जापान सरकारको निमन्त्रणामा जापानको पाँच दिने राजकीय भ्रमणका लागि आज जापानको राजधानी टोकियो पुग्नुभयो। श्री हु चिन थाउले यस पटकको आफ्नो भ्रमणलाई एउटा 'न्यानो बसन्ते यात्रा' को संज्ञा दिनुभएको छ।

          जापानको हानेदा विमान स्थलमा लिखित वक्तव्य सार्वजनिक गर्दै श्री हु चिन थाउले चीन र जापान एशिया तथा विश्वमा महत्वपूर्ण मुलुक भएको कुरामा जोड दिनुभयो। उहाँले चीन तथा जापानबीचको दिर्घकालीन तथा स्थीर मैत्रीपूर्ण सम्बन्धको विकास यी दुबै मुलुक र यीनका जनताको आधारभूत हितअनुकुल भएको कुरा स्पष्ट पार्नुभयो।

          यस वर्ष चीन र जापानबीच शान्ति र मैत्री सन्धि भएको तिसौं वार्षिकोत्सव भएको कुरा स्मरण गराउँदै श्री हुले यस अवसरले दुबै मुलुकसामु आपसी सम्बन्ध अझ बढी विकसित पार्ने नयाँ मौका प्रदान गरेको छ भन्नुभयो। आफ्नो यस पटकको भ्रमण आपसी विश्वास बढाउन，आपसी सहयोगलाई अरु गहन पार्न，भविष्यका लागि योजना गर्न सघाउने आशा व्यक्त गर्नुभयो। उहाँको विचारमा, दुबै पक्षको संयुक्त प्रयासमा यस पटको भ्रमणले निर्धारित उद्देश्य हासिल गर्न सहयोग पुर्‍याउने छ।