चीनका राष्ट्राध्यक्ष हु चिन थाउ जापान सरकारको निमन्त्रणामा जापानको पाँच दिने राजकीय भ्रमणका लागि आज जापानको राजधानी टोकियो पुग्नुभयो। श्री हु चिन थाउले यस पटकको आफ्नो भ्रमणलाई एउटा 'न्यानो बसन्ते यात्रा' को संज्ञा दिनुभएको छ।

      चीनका राष्ट्रनायकले बितेका दश वर्षमा जापानको भ्रमण गर्नुभएको यो पहिलो पटक हो।

      जापानको हानेदा विमान स्थलमा लिखित वक्तव्य सार्वजनिक गर्दै श्री हु चिन थाउले चीन र जापान एशिया तथा विश्वमा महत्वपूर्ण मुलुक भएको कुरामा जोड दिनुभयो। उहाँले चीन तथा जापानबीचको दिर्घकालीन तथा स्थीर मैत्रीपूर्ण सम्बन्धको विकास यी दुबै मुलुक र यीनका जनताको आधारभूत हितअनुकुल भएको कुरा स्पष्ट पार्नुभयो।

      भर्खरै टोकियो पुग्नुभएका  राष्ट्राध्यक्ष हू चिन थाउले चीन र जापानबीचको दौत्य सम्बन्ध सामान्यीकरणका लागि उत्कृष्ठ योगदान गर्नुभएका स्वर्गीय जापानी मित्रहरुका नाताकुटुम्ब र पछिल्लो पुस्ताका प्रतिनिधिसित भेट-वार्ता गर्नुभयो।

      हाल चीन जापान सम्बन्ध नयाँ ऐतिहासिक आरम्भ बिन्दुमा रहेको छ र त्यसको सामु विकासको नयाँ सुअवसर देखापरेको छ भन्दै राष्ट्राध्यक्ष हूले आफ्नो यस भ्रमणको उद्देश्य जापानका विभिन्न क्षेत्रसित मिलेर चीन तथा जापानबीच एक-अर्कालाई लाभ हुने रणनैतिक सम्बन्धको स्थापना गर्नु हो भन्नुभयो।