चीनका राष्ट्राध्यक्ष हू चिन थाउले आज जापानको टोकियोमा पर्ने वासेदादाइगाकु विश्वविद्यालयमा महत्वपूर्ण प्रवचन दिनुभयो। आफ्नो प्रवचनमा उहाँले चीन जापान मित्रता यी दुइ मुलुकका जनताको साझा ध्येय एवम् उद्देश्य हो, दुवै मुलुकका युवावर्ग चीन जापान मित्रताको जीवन्त शक्ति हुन र चीन जापान मित्रताको भविष्य उघार्ने कार्य युवावर्गमा भर पर्नेछ भन्नुभयो।

          श्री हू चिन थाउले ऐतिहासिक र यथार्थ दृष्टिबाट चीनको विकास क्रम बारे जानकारी दिनुभयो साथै चीनमा सुधार र खुलापनको नीति लागू भएको तीस वर्षदेखि यता गुज्रेको ऐतिहासिक प्रक्रिया र प्राप्त भएको बडामान उपलव्धिको सिंहावलोकन गरेर त्यसको निष्कर्ष झिक्नुभयो।

          श्री हूले अझै औंल्याउनुभयो- इतिहास दार्शनिक ज्ञानयुक्त पाठ्यपुस्तक हो। इतिहासलाई मनमा सम्झनुपर्ने कुरामा जोड दिनुको अर्थ रिस इबीको क्रमलाई जारी राख्नुको सट्टा इतिहासबाट अर्ती-शिक्षा लिंदै, भविष्यतर्फ उन्मुख भएर शान्तिलाई माया र संरक्षण गर्नुपर्ने र चीन जापानका जनताबीच जुगानजुगसम्म मित्रता कायम रहिरहनुपर्ने भन्ने रहेको छ।