चीनका राष्ट्राध्यक्ष हु चिन थाउले हिजो आठ तारिखका दिनमा जापानका भूतपुर्व प्रधान मन्त्री यासुहिरो नाकासोने, टोहिकी खाइफु, योशिरो मोरी र शिन्जो अबेसित संगै बसी बिहानी पखको खाना खानुका साथै उहाँहरुसित सौहार्दपूर्ण र मैत्रीपूर्ण गफ गर्नुभएको थियो।
त्यस अवसरमा श्री हुले चीन र जापानका लागि चीन र जापान बीचको सम्बन्ध सबैभन्दा महत्वपूर्ण व्दिपक्षीय सम्बन्धहरुमध्येको एक हो। यी दुइ मुलुकका सामु देखा परिरहेका संयुक्त विषय र संयुक्त कर्तव्य बढ्दै आएका देखिन्छन्। त्यसैले संगै मिलेर एशियाको पुनःउत्थानलाई बढाउन र विश्वव्यापी चुनौतीको सामना गर्न चीन इच्छुक भन्नुभयो।
त्यस अवसरमा श्री यासुहिरो नाकासोनेले तपाईंको यस पटकको भ्रमणको क्रममा चीन र जापान बीचको चौथौ राजनैतिक दस्तापेज चाहिं यी दुई मुलुक बीचको सम्बन्धको विकासलाई निर्देशन गराउने कार्यक्रमयुक्त दस्तापेज हो र त्यसमा महत्वपूर्ण ऐतिहासिक अर्थ रहेको छ भनेर बताउनुभएको थियो।
त्यसैगरी अरु तीन जना भूतपूर्व प्रधान मन्त्रीहरुले पनि निकै मैत्रीपूर्ण कुराकानी गर्नुभएको थियो। उहाँहरु सबैले पैचिङ्ग ओलम्पिक खेलकुद समारोह संतोषजनक रुपमा सफलता प्राप्त गरोस् भनेर शुभकामना व्यक्त गर्नुभएको थियो।
|