चीनका राष्ट्राध्यक्ष हु चिन थाउले गर्नुभएको जापानको राजकीय भ्रमण हिजो सम्पन्न भयो। हाल विदेशी सञ्चार माध्यमले यसलाई निकै ठूलो महत्व दिएका छन।

            जापानको "असाही हिन्बुन" नामक समाचार पत्रले आज एउटा टिप्पणी-लेख प्रकाशित गरी चीनका राष्ट्राध्यक्ष हु चिन थाउले आफ्नो जापान भ्रमणको सम्पूर्ण क्रममा चीन-जापान मित्रता र यी दुइ देशबीचको रणनैतिक आपसी हितको सम्बन्धमा जोड दिनुभएको कुरा जनाएको छ। यसबाट श्री हु चिन थाउले जापानसित सहयोगात्मक साझेदारी सम्बन्धको निरन्तररुपमा स्थापना गर्नुहुने कुरा प्रतिबिम्बित भएको कुरा पनि उक्त लेखमा उल्लेख गरिएको छ।

           यसका अतिरिक्त, बेलायतको बी.बी.सी. लगायतका केही पश्चिमी सञ्चार माध्यमले चीन र जापनबीच हस्ताक्षर गरिएको "रणनैतिक आपसी हितको सम्बन्धलाई चौतर्फीरुपमा अघि बढाउने विषयबारे चीन र जापानबीचको संयुक्त वक्तव्य" एउटा कोसे ढुंगारुपी दस्तावेज हो भन्दै यो नै यी दुइ देशबीचको सम्बन्धको नयाँ शुभारम्भ रहने ठहर प्रकट गरेका छन।