चीनको विकलाङ्ग संघको पाँचौँ राष्ट्रिय सम्मेलन आज पैचिङ्गमा शुरु भयो। चीनका विभिन्न ठाउँबाट आउनुभएका छ सयभन्दा बढी औपचारिक प्रतिनिधि र एक सयभन्दा बढी विशेष प्रतिनिधि सो सम्मेलनमा उपस्थित हुनुभएको छ। चीनका राष्ट्राध्यक्ष हु चिन थाउ र प्रधानमन्त्री वन च्या पाउ लगायत् चिनियाँ कम्युनिष्ट पार्टी र चीन सरकारका नेतागणले सो सम्मेलनको सफलताको लागि शुभकामना व्यक्त गर्दै सम्मेलनमा भाग लिनुभएको छ।

          सम्मेलनका अवधिमा प्रतिनिधिहरुले गत बीस वर्षयता चीनमा विकलाङ्गको हित कार्यको विकासमा प्राप्त उपलव्धिको पुनरावलोकन गरी आधारभूत अनुभवबाट निचोड निकालेर आगामी पाँच वर्ष र सन् 2020 सम्ममा चीनमा विकलाङ्गको हितकार्यको विकास लक्ष्य तथा कार्यभारबारे निश्चित गर्ने कार्यक्रम रहेको छ। सो सम्मेलनमा चीनको विकलाङ्ग संघको वर्तमान बडा-पत्र संशोधन गरी नयाँ नेतृत्वदायी संस्थाको निर्वाचन गर्ने कार्यक्रम पनि छ।

           हाल चीनमा विकलाङ्गहरुको संख्या लगभग आठ करोड तीस लाख रहेको छ।