चिनियाँ जन राजनीतिक परामर्शदातृ सम्मेलन राष्ट्रिय समितिको वार्षिक अधिवेशन आज दिउँसो पैचिङमा शुरु भयो। हु चिन थाउ, उ बाँग को, वन च्या पाउ, च्या छिङ लिनलगायत् चीनका नेतागणहरु यस अधिवेशनको उद्घाटन समारोहमा उपस्थित हुनुहुन्थ्यो।

             यो चिनियाँ जन राजनीतिक परामर्शदातृ सम्मेलनको एघारौं राष्ट्रिय समितिको दोस्रो अधिवेशन हो। नौ दिनसम्म चल्ने यस अधिवेशनमा चिनियाँ जन राजनीतिक परामर्शदातृ सम्मेलन राष्ट्रिय समितिका दुई हजार एक सय जना भन्दा बढी सदस्यले चिनियाँ जन राजनीतिक परामर्शदातृ सम्मेलन राष्ट्रिय समितिको स्थायी समितिको कार्य-प्रतिवेदन, प्रस्ताव सम्बन्धी कार्य-प्रतिवेदन सुन्नुका साथै त्यसमाथि लेखाजोखा गर्नुहुनेछ। उहाँहरु चिनियाँ राष्ट्रिय जन कांग्रेसको वार्षिक अधिवेशनमा पनि सहभागी हुनुहुनेछ। यसका साथै उक्त सदस्यहरुले सरकारी कार्य-प्रतिवेदन, सर्वोच्च जन अदालतको कार्य-प्रतिबेदन, सर्वोच्च जन महान्यायाधिवक्ताको कार्यालयको कार्य-प्रतिबेदनबारे छलफल गर्नुहुने तथा चीनको सुधार र खुलापनसम्बन्धी नीति एवम सर्वसाधारणद्वारा ध्यानाकर्षण गराइएका चर्चित विषयहरुबारे राय-सुझाव प्रस्तुत गर्नुहुनेछ।