चीनको सर्वोच्च राष्ट्रिय आधिकारिक संस्था---चिनियाँ राष्ट्रिय जन-कांग्रेसको वार्षिक सम्मेलन पाँच तारिखका दिन पेइचिंगमा शुरु भयो। चिनियाँ जनताको राजनीतिक जीवनमा यो ठूलो कुरा हो। चीनको संविधानअनुसार, मुलुकको सबै अधिकार जनतामा निहित हुन्छ। जनताले मुलुकको अधिकार प्रयोग गर्ने कार्यालय चिनियाँ राष्ट्रिय जन-कांग्रेस र क्षेत्रीय विभिन्न तहका जन-कांग्रेस हुन।

           चिनियाँ जन-राजनैतिक परामर्शदात्री सम्मेलन चिनियाँ कम्युनिष्ट पार्टीको नेतृत्वमा रहेको बहुपार्टी सहयोग तथा राजनैतिक परामर्शको महत्वपूर्ण संस्था हो जुन समाजवादी प्रजातन्त्रको प्रचार-प्रसार गरिने महत्वपूर्ण तरिका पनि हो। त्यस सम्मेलनले चीनको राजनैतिक जीवनमा नभईनहुने भूमिका निर्वाह गर्दछ। चिनियाँ जन-राजनैतिक परामर्शदात्री सम्मेलनमा राष्ट्रिय समिति तथा स्थानीय समिति छन।

          सन् 2014मा चीनका दुईवटा अधिवेशन सुरु हुन लागेको छ। चीनका प्रधानमन्त्री ली ख छ्याङले नयाँ सरकारको प्रतिनिधित्व गरी राष्ट्रिय जन कंग्रेसलाई सरकारको कार्य प्रतिवेदन सुनाउनुहुनेछ। साथै पत्रकार सम्मेलनको आयोजना गरी चीनको आन्तरिक तथा कुटनीतिक विषयसम्बन्धीचिनियाँ तथा विदेशी पत्रकारका प्रश्नको जवाफ पनि दिनुहुनेछ। विश्वलाई अचम्मलाग्दो चीनको अर्थतन्त्रको अरु विकास हुन सक्छ? वातावरण संरक्षण, खाद्य सुरक्षा, सामजिक सुरक्षा, शिक्षा सन्तुलन आदि विभिन्न जन सरोकारका विषयमा चीन सरकारले के कस्तो कदम चल्न आवश्यक छ? अन्तर्राष्ट्रिय समाजमा जिम्मेवार एक सदस्यको रुपमा चीनले अन्तर्राष्ट्रिय मामिलामा कस्तो भूमिका निर्वाह गर्नेछ? सन् 2014मा चीनसम्बन्धी तपाईँलाई सबभन्दा रुची लागेको कुरा के हो?